Gambëla: Dïcängi nïne jïtö ka apaar kur ciel ni kar dïgööte moa Anywaae otïmö ni bung ngat mo nyääyagøni. Anywaae adäk mo jiïgi da riet dïgrëë, amak akwöm Okïci Olum okïthgi kany mo kare kuc këël dïcängi en. Jiy moa rwäänyö beegi:

1. Nyikangø Obäng
2. Opiew Oløk
3. Onyiec Abaga

Jiy moii ni rwäänyi ii beegi jiy mo gi tïïö yi bïïru mar Puur mar Gambëla ko Ochudhö Odöla na aciel. Akwom Okïici ki Melece Jëënawï ni gi bunga thøø mana näkgi Ochudhö kigø, jiy moii na adäk ii bäätgi akïthgi ki luubö ni Ochudhö Odöla näga geni.

Ni paa jaay moi na adäk kergi ii, da jiy abïïc møøk mo omaaø mo kïth øt-tööc mar Gambëla thuwø.