Waani, wa duua met ec jïïu jø powa. Awïnynyu køør juu arieø moa no pöödhö man näk mo cöökwa mo Omo Caam Odöla jwïïy moe a aay ni cwööba røkwa.

Ki køør manøgø nø, nyïïmëë moa ngäc eni ni beegi nyïïawääte, ki jiy moa ngäc dëëre wala nyenge, ki jiy mo wø jwööti kiper leth per u dhaanhø, cenggi adwaalgi kiper nee rïng dëëre dwøk paac yi ngöömö mana nywøli yie.

Kiper manøgø nø, waani na näk ma nyøølle ko Omo Caam ni beeye dhi øt Odöla wara Awääth; wa duua pwøc jïïu u karu bëët. U na jwør gïna leth na pïï bäätwa ni weyyu jammi moa do many dëëttu yïth nïreke; ni cïppu jammi moo na muuy jï cöökwa mo Omo Caam nee rïng dëëre dwøk paac ki geni.

Pwøc en jïïu u bëët ki nyeng Wuuö na wëëk ø kwøw. Ni beeye jï,

Anywaae moa en Canada bëët,

Dwätö mar wøppe mo Canada,

Dwätö mar jø Atut Gambela na en Canada,

Dwätö mar Anywaa na en Winnipeg Canada,

Jø Atut pocala na en Canada,

Jø kar tïïc mo Lakeside packers na en Brooks Canada,

Dwäto mar Apoole na en yi Amerika,

Dwäto mar jø Openö na en yi Amerika,

Jø Atude moa Auctralia ni beeye jï jø Brisbane, Coffs Harbour, Gold Coast, Perth ki Sydney

Jwøk obëëdö ki uuni ni ö eni ni meet moa en jïïu. Enøgø nø!

Dwal man käla dhi øt Odöla wara Awääth ni beegi;

Gami (Ojulu) Caam Odöla                             ki Auctralia

Mooli Gøra Odöla                                            ki Canada

Odan Ojulu Awääth                                        ki Amerika

Nyicïra Otøk                                                       ki Canada

Anøna Otøk                                                        ki Amerika