JAATH GOOTØ
Date Posted Sun Jul 18 2010 4:59:57 CDT
Jaath gootø patha maath
Maath beeye gïn wø raany ngäädhe ki tïïc.
Jaath gootø patha ajaany
Ajaany beeye gïn wø täk wëëri ki ree.
Jaath gootø patha ajeeny
Ajeeny beeye gïn wø tïïc wï-jur ni jääk.
Jaath gootø patha leny
Leny beeye gïn wø käl kwör.
Jaath gootø patha jäl dëël ki dwallø
Jäl dëël ki dwallø beeye gïn wø meet män.
Jaath gootø patha män
Män beeye gïn wø käl keethø ni wø put kwör jiy tïïc ni bäyyø ni bäre bäre.
Jaath gootø patha näk dëël
Näk dëël beeye anguun bëët bäät ngøøm.
Jaath gootø patha waac nyieng
Waac nyieng beeye gïn wø käl tööt.
Jaath gootø patha caae wala nïne
Caae ki nïne beegi kwör wø tïïö ki jammi mo beyyø yïthgi.
Kiper manø gø nø,
No gootø, ø kär määdhö!
No gootø, ø kär jädö!
No gootø, dëëtö kär jeenynyø!
No gootø, ø kär këëdö!
No gootø, dëëtö kär jällö ni dwallø!
No gootø, ø kär männö!
No gootø, dëëtö kär näängngø!
No gootø, nyengø kär wayyø!
No gootø, caae ki nïne kär wø ceennø!
Jaath gootø nø ee.. otïme na ngøøni?
Jaath gootø keere,..keere, keere…
Beeye cäänö ki wïny dëël. Ni ö tier gïna näk dööti kär gääbö ree ni manynyi ojoodi. Kiper jammi bëët thööra dhøki.
Ngata Göör luubö man beey Agwa Gilo. Eni løny ki man joodi bäät email: lonyogilo@yahoo.com | 
Gambellan Voice,